സുഖമോ ദേവീ എന്നു തുടങ്ങുന്ന ,ഈ കഥകളി പദം ലവണാസുരവധം കഥകളിയിൽ നിന്നാണ് .മറ്റ് ഏതൊരു കഥകളി ഗായകൻ ആലപിക്കുന്ന രീതിയിൽ നിന്നും വ്യത്യസ്തമായ രീതിയിലാണ് കലാമണ്ഡലം തിരൂർ നമ്പീശൻ ആശാൻ ഇതിൽ പാടിയിരിക്കുന്നത് .ഇതു പോലെ മറ്റ് ഏതൊരു പദത്തിന്റെ ആലാപനത്തിലും പദങ്ങളെ ട്രീറ്റ് ചെയ്യുന്ന കാര്യത്തിലും ഇദ്ദേഹത്തിന്റെ പ്രത്യേകത വേണ്ടത്ര ചർച്ച ചെയ്യപ്പെട്ടിട്ടുണ്ടോ എന്നു സംശയമാണ് അനുസ്മരണങ്ങളിലും ലേഖനങ്ങളിലും മറ്റും തെങ്ങിനെ കുറിച്ചു പറയേണ്ടിടത്ത് തെങ്ങില്‍ കെട്ടിയ പശുവിനെ കുറിച്ചു പറയുന്ന പോലെ വഴി മാറി പോകുക മാത്രമാണു പതിവ്. അദ്ദേഹത്തെ ആസ്വദിച്ചിരുന്ന തലമുറയില്‍ പെട്ടവരല്ല എന്നതോ അദ്ദേഹത്തെ ആസ്വദിച്ചിരുന്നവരില്‍ പലരും പ്രഭാഷണത്തിലോ ലേഖനത്തിലോ ചാതുര്യം ഉള്ളവര്‍ അല്ലാതെ പോയതോ , ഇന്നത്തെ തലമുറക്ക് ആസ്വാദനം സുഗമം ആകും വിധം അദ്ദേഹത്തിന്റെ ആലാപത്തിന്റെ വ്യക്തമായ ശബ്ദലേഖനങ്ങള്‍ ( ഓഡിയോ /വീഡിയോ) വളരെ വിരളമാണു എന്നതോ ഒരു സ്ഥാപനത്തിലെ സ്ഥിരം അദ്ധ്യാപകന്‍ ആവാതെ പോയതോ ഒക്കെ ആവാം അതിനു പിന്നില്‍ . ഇദ്ദേഹത്തെ പോലെ അല്ല മറ്റ് പല കഥകളി ഗായകരും പാടിയിരുന്നത്/ ഇന്നു പാടുന്നത് എന്നതില്‍ യാതൊരു സംശയവും ഇല്ല . ആ വഴി അദ്ദേഹത്തിന്റെ മാത്രം ആയിരുന്നുവോ? . . തിരൂര്‍ നമ്പീശനാശാന്റെ കൂടി ശിഷ്യനായ ഡോ. വെള്ളിനേഴി അച്ചുതൻ കുട്ടിയാണ് ഈ സംഗീത വഴിയെ വ്യാഖ്യാനിക്കുവാൻ -( അതിനുള്ള കാരണങ്ങള്‍ സഹിതം) -ചെറുതായെങ്കിലും ശ്രമം നടത്തിയിട്ടുള്ളത്.
കലാകാരന്മാര് എന്ന നിലയില് അല്പം അറിവില് അഹങ്കരിക്കുന്ന നമ്മള് വെറും വഴി പോക്കരാണ്.സത്രങ്ങളില് ചിലര് വരുന്നു ,ചിലര് പോകുന്നു .പൂര്വീകരുടെ കലാമൂല്യങ്ങള്ക്ക് മുന്നില് നമ്മളൊന്നും ആരുമല്ല.ചെയ്യാന് ആഗ്രഹിക്കുന്ന കാര്യങ്ങള് പോലും പൂര്ത്തിയാക്കാന് കഴിയാതെ എന്തെങ്കിലും ചെയ്തു പോകാന് കഴിയുന്നു എന്ന് മാത്രം...കലാമണ്ഡലം തിരൂര്‍ നമ്പിശന്
No comments:
Post a Comment