പൊന്നാനിപ്പാട്ടുകാരനിലേക്ക് .....

കഥകള്‍ പാടി ശീലിക്കുന്നത്                                                അത്യാവശ്യം താളങ്ങളും അത്യാവശ്യം രാഗങ്ങളും ശീലിച്ചാല്‍ ആദ്യം കോട്ടയം കഥകളിലെ കിര്‍മ്മീരവധം കഥയാണു സാധാരണ അഭ്യസിച്ചു തുടങ്ങുക.പതിഞ്ഞ കാലത്തിലുള്ള  പദമാണ് ആദ്യം തുടങ്ങുക. ഗുരുനാഥന്‍ പാടിത്തന്ന അതേ ഭാവത്തോടുംചിട്ടയോടും കൂടി അഭ്യസിച്ച് പല തവണയായി പാടി ഉറപ്പിച്ച ശേഷം തുടര്‍ന്നുള്ള പദങ്ങളും പാടി ഉറപ്പിക്കുന്നു.ആ കഥ പാടാറായാല്‍ കളരിയില്‍ ശങ്കിടി ആയി പരിശീലിക്കുക. അതോടോപ്പം രംഗവിവരങ്ങളും താളം പിടിക്കാനുള്ള പരിശീലനവും ലഭിക്കുന്നു. ഇലത്താളം പിടിച്ചു ശീലിക്കാന്‍ കഴിയുന്നത്ര സന്ദര്‍ഭങ്ങള്‍ ഉപയോഗിക്കണം. പാടുന്ന സമയം രണ്ടു ­കൈയിലായി തന്നെ ഇലത്താളം പിടിക്കണം. ഒറ്റക്കൈയിലായി ഇലത്താളം പിടിച്ചാല്‍ താളത്തിന്റെ കാലം നഷ്ടപ്പെടാന്‍ എപ്പോഴും സാദ്ധ്യതയുണ്ട്.മാത്രമല്ല അതു ശരിയുമല്ല.                                                                               ഇങ്ങനെ ഗുരുവിന്റെ ശിക്ഷണവും കളരി പരിശീലനവും നിരന്തരം തുടര്‍ന്നു കൊണ്ടിരിക്കവേ സന്ദര്‍ഭം വരുമ്പോള്‍ തോടയം പുറപ്പാട് മേളപ്പദം എന്നിവ പൊന്നാനി പാടിത്തുടങ്ങാം. വളരെ ശ്രദ്ധയോടും ഉത്തരവാദിത്വത്തോടും കൂടി മാത്രമേ ഈ സന്ദര്‍ഭങ്ങള്‍ കൈകാര്യം ചെയ്യാവൂ. വളരെക്കാലം ശങ്കിടി പാടി ശീലിച്ച് അതോടൊപ്പം രംഗ പരിചയം കഥാപരിചയം ചിട്ടകള്‍ സന്ദര്‍ഭങ്ങള്‍ എന്നിവ ഹ്ര്ദിസ്ഥമാക്കിയ ശേഷം മാത്രമേ ഒരു പൊന്നാനിപ്പാട്ടുകാരനായി കളരിയില്‍ കൈകാര്യം ചെയ്യാന്‍ കഴിയുകയുള്ളൂ.കളരിയില്‍ നിരന്തരമായ പരിശീലനം കൊണ്ടു മാത്രമേ അരങ്ങത്ത് ശങ്കിടിപ്പാട്ടുകാരനായി പ്രവര്‍ത്തിക്കാനാകൂ. അരങ്ങത്ത് ശങ്കിടി പാടി ശീലം വന്ന ശേഷം മാത്രമേ ഒരു പൊന്നാനിപ്പാട്ടുകാരനായി ചുമതല ഏല്‍ക്കാന്‍ കഴിയുകയുള്ളൂ.                                                                കോട്ടയം കഥകള്‍ ,തമ്പിയുടെ കഥകള്‍ എന്നിവയാണു അടിസ്ഥാനമായും ചിട്ടപ്രധാനമായും ഉള്ളത്. മറ്റു കഥകള്‍ ആയതിന്റെ വകഭേദങ്ങളാണു. അല്പം ചില പുതുമകള്‍ ഉണ്ടായേക്കാമെങ്കിലും,അവയെല്ലാം മേല്‍പ്പറഞ്ഞ കഥകള്‍ പാടി ശീലിച്ച ഒരാള്‍ക്ക് പാടി ഉറപ്പിക്കാന്‍ അധികം കഷ്ടപ്പെടേണ്ടതില്ല. ആവര്‍ത്തനങ്ങള്‍ കൊണ്ടും അരങ്ങുകള്‍ കൊണ്ടും സ്വാധീനം വരുത്താവുന്നതേയുള്ളൂ. 

ആറാം തമ്പുരാന്‍, ഏഴാം തമ്പുരാന്‍

പൂമുള്ളി മന                                                                               പെരിങ്ങോട് പൂമുള്ളി മനക്കല്‍ ഏഴാം തമ്പുരാന്റെ (രാമന്‍ നമ്പൂതിരിപ്പാട്)മകന്‍ വാസുദേവന്തമ്പുരാനു കഥകളി സംഗീതത്തിന്റെ താല്പര്യം ഉദ്ദേശിച്ച് പഠിപ്പിക്കാന്‍ നില്‍ക്കുന്ന സന്ദര്‍ഭത്തില്‍ പല നിര്‍ദേശങ്ങളും ആറാം തമ്പുരാനില്‍ നിന്നും ഏഴാം തമ്പുരാനില്‍ നിന്നും,വാസുദേവന്‍ തമ്പുരാനില്‍ നിന്നും എനിക്ക് കഥകളി സംഗീതത്തില്‍ മുതല്‍ക്കൂട്ടായി ലഭിച്ചിട്ടുണ്ട്.

ആറാം തമ്പുരാന്‍ 

ഉണ്ണിക്ര്ഷ്ണക്കുറുപ്പ്

 ഉണ്ണികൃഷ്ണക്കുറുപ്പ്            

കലാമണ്ഡലത്തില്‍ നിന്നും പുറത്തു പോന്നതിനു ശേഷം അരങ്ങുകളില്‍
ഉണ്ണികൃഷ്ണക്കുറുപ്പിന്റെ കൂടെ പാടിക്കൊണ്ടാണ് കൂടുതല്‍ കാലം പരിചയം ഉണ്ടായത് .ചുമതല ആയി പാടാന്‍ വേണ്ട സന്ദര്‍ഭങ്ങള്‍ അദ്ദേഹം അനുവദിച്ചു തന്നിരുന്നു .മറ്റു പലരും ചെയ്യാത്ത ഒരു പ്രോത്സാഹനം ആയിരുന്നു അത് .ഞങ്ങള്‍ തമ്മിലുള്ള പെരുമാറ്റം ആണെങ്കില്‍ അരങ്ങത്ത് സ്നേഹിതന്മാര്‍ എന്ന നിലയില്‍ ചിരിച്ചും രസിച്ചുമാണ് പാടിയിരുന്നത് .അല്ലാത്ത സമയങ്ങളില്‍ ജ്യേഷ്ഠാനുജന്മാര്‍ എന്ന നിലയില്‍ തന്നെ ആയിരുന്നു പെരുമാറിയിരുന്നത് .ഈ പെരുമാറ്റം മറ്റാരില്‍ നിന്നും ഉണ്ടായിരുന്നില്ല.കാലം അദ്ദേഹത്തെ അകറ്റി .അതിനു ശേഷം ഞാന്‍ ഒറ്റയാനായി കഴിയേണ്ടി വന്നിരിക്കയാണ്.ആ നല്ല ഓര്‍മ്മകള്‍ ഇന്നും നില നില്ക്കുന്നു.

നമ്പീശന്‍ ആശാന്‍(കലാമണ്ഡലം നീല കണ്ഠന്‍ നമ്പീശന്‍)

നമ്പീശനാശാന്‍                             കലാമണ്ഡലം നീലകണ്ഠന്‍ നമ്പീശന്‍.....കഥകളി സംഗീതത്തിന്റെ സ്വാധീനം   

KALAMANDALAM NEELAKANDAHAN NAMBISSAN

കഥകളി സംഗീതത്തിന്റെ ഭദ്രതയെ നില നിര്‍ത്താന്‍  ആത്മാര്‍ത്ഥമായി ത്യാഗങ്ങള്‍ സഹിച്ചു പ്രവര്‍ത്തിച്ചിരുന്ന ആചാര്യന്മാരില്‍  എന്ത് കൊണ്ടും മുന്നില്‍ ആയിരുന്നു നമ്പീശന്‍  ആശാന്‍(കലാമണ്ഡലം നീല കണ്ഠന്‍ നമ്പീശന്‍).അദ്ദേഹത്തിന്റെ ശിഷ്യന്മാരായ പാട്ടുകാരാണ് കഥകളി രംഗത്ത് പ്രവര്ത്തിച്ചു വരുന്നത് .എന്നാല്‍  കഥകളി സംഗീതത്തിനു വേണ്ടി അദ്ദേഹം ഒന്നും ചെയ്തിട്ടില്ലെന്നാണ് ചിലരുടെ അഭിപ്രായം .ഒരു കാര്യം ശരിയാണ് ,.കഥകളി സംഗീതത്തിന്റെ അന്തസ്സത്തയെ ബഹുമാനിച്ച് അദ്ദേഹം അതിനെ വികൃത മാക്കിയില്ല  എന്നത് സത്യമാണ് .അതില്‍  അടിയുറച്ച വിശ്വാസത്തോടെ ശക്തരായ കുറെ ശിഷ്യന്മാരെ സൃഷ്ടിക്കുകയാണ് അദ്ദേഹം ചെയ്തത് .കൈ നനയാതെ മീന്‍ പിടിക്കുന്നവരെ സംബന്ധിച്ച് അദ്ദേഹം വെറുമൊരു പാട്ടുകാരന്‍ മാത്രം ആയിരിക്കാം .ഞാന്‍ നമ്പീശന്‍  ആശാന്റെ കൂടെ കഴിയുന്നത്ര സന്ദര്‍ഭങ്ങളില്‍ കഥകളി രംഗങ്ങളില്‍ ഉണ്ടായിരുന്നു .      

പ്രണാമം

                   സ്നേഹ മധുര ഭാവഗാനം                                                                                           

കലാമണ്ഡലം തിരൂര്‍ നമ്പീശന്‍