ആട്ടവിളക്ക്

സന്ദര്‍ശിക്കൂ...

2012-01-23T00:40:00.000-08:00

കഥ്കളി രംഗത്ത് വ്യക്തിമുദ്ര പതിപ്പിച്ച നമ്പീശന്മാര്‍:

2010-10-14T12:54:00.001-07:00

കഥ്കളി രംഗത്ത് വ്യക്തിമുദ്ര പതിപ്പിച്ച നമ്പീശന്മാര്‍:-(പുഷ്പകധ്വനി യില്‍ വന്ന ലേഖനം വായിക്കൂ.........................................http://spss.org.in/images/stories/2011iFebruary.pdf

ഞങ്ങള്‍ ഇപ്പോള്‍ സികളരിയിലും

2010-09-11T13:59:00.001-07:00

DAKSHAYAGAM

2010-09-11T07:17:00.000-07:00

KEECHAKA VADHAM

2010-09-11T06:15:00.001-07:00

NALACHARITHAM 2

2010-09-11T06:12:00.000-07:00

OORJITHAASHAYA

Check out Palakkad District News,Koottanadu Local News,പാലക്കാട്‌ ,കൂറ്റനാട് ,തിരൂര്‍നമ്പീശന്‍ അനുസ്മരണം ,Kerala - Mathrubhumi

2010-08-08T08:25:00.001-07:00

Check out Palakkad District News,Koottanadu Local News,പാലക്കാട്‌ ,കൂറ്റനാട് ,തിരൂര്‍നമ്പീശന്‍ അനുസ്മരണം ,Kerala - Mathrubhumi

ORMAKAL...4..ഉണ്ണികൃഷ്ണക്കുറുപ്പ്

2010-03-26T22:17:00.000-07:00

ഉണ്ണികൃഷ്ണക്കുറുപ്പ്
കലാമണ്ടലത്തില്‍ നിന്നും പുറത്തു പോന്നതിനു ശേഷം അരങ്ങുകളില്‍
ഉണ്ണികൃഷ്ണക്കുറുപ്പിന്റെ കൂടെ പാടിക്കൊണ്ടാണ് കൂടുതല്‍ കാലം പരിചയം ഉണ്ടായത് .ചുമതല ആയി പാടാന്‍ വേണ്ട സന്ദര്ഭാങ്ങള്‍ അദ്ദേഹം അനുവദിച്ചു തന്നിരുന്നു .മറ്റു പലരും ചെയ്യാത്ത ഒരു പ്രോത്സാഹനം ആയിരുന്നു അത് .ഞങ്ങള്‍ തമ്മിലുള്ള പെരുമാറ്റം ആണെങ്കില്‍ അരങ്ങത്ത് സ്നേഹിതന്മാര്‍ എന്ന നിലയില്‍ ചിരിച്ചും രസിച്ചുമാണ് പാടിയിരുന്നത് .അല്ലാത്ത സമയങ്ങളില്‍ ജ്യേഷ്ട്ടാനുജന്മാര്‍ എന്ന നിലയില്‍ തന്നെ ആയിരുന്നു പെരുമാറിയിരുന്നത് .ഈ പെരുമാറ്റം മറ്റാരില്‍ നിന്നും ഉണ്ടായിരുന്നില്ല.കാലം അദ്ദേഹത്തെ അകറ്റി .അതിനു ശേഷം ഞാന്‍ ഒറ്റയാനായി കഴിയേണ്ടി വന്നിരിക്കയാണ്.ആ നല്ല ഓര്മ്മുകള്‍ ഇന്നും നില നില്ക്കുുന്നു.
ormakal - Tirur Nambissan(written in 1992)

ORMAKAL...3

2010-03-26T15:04:00.000-07:00

കലാമണ്ടലത്തിലെ ഒരു സമരം :-
കലാമണ്ഡലം ഗവര്മെന്റ് ഏറ്റ്എടുക്കുന്നതിനു മുമ്പ് ഭക്ഷണം ,എണ്ണ.സോപ്പ്,വസ്ത്രം ,അലക്ക് ക്ഷൌരം എന്നിവ എല്ലാം സൌജന്യം ആയിരുന്നു .പിന്നീട് ഗവര്മെന്റ്റ് ഏറ്റ്എടുത്തപ്പോള് സ്ടയിപ്പന്റ്റ് ആയി കിട്ടിയിരുന്ന ഇരുപത്തഞ്ചു രൂപയില് പതിനെട്ടു രൂപ ആയിരുന്നു ഭക്ഷണ ചെലവ് .കഞ്ഞി ആയിരുന്നു കാലത്തെ ഭക്ഷണം .ഉച്ചക്കും രാത്രിയും ഊണ് .ഉഴിച്ചില് കാലത്ത് വേഷ വിദ്യാര്ത്ഥികള്ക്കും വേഷം അധ്യാപകര്ക്കും കഞ്ഞിക്ക് നെയ്യ് കൊടുക്കും .മറ്റാര്ക്കും ഇല്ല.എല്ലാ വിദ്യാര്ത്ഥികളും ഒന്നിചിരുന്നയിരുന്നു ഭക്ഷണം .പന്തിയില് രണ്ടു തരം എന്നഈ സമ്പ്രദായം ഒഴിവാക്കണം എന്ന് ആവശ്യപ്പെട്ടു ഞാന് മുന്കൈ എടുത്ത് നെയ്യ് കിട്ടാതവരായ ഞങ്ങള് ചേര്ന്ന് കാലത്ത് എട്ടരക്ക് ബെല്ലടിക്കാന് അനുവദിക്കാതെയും കഞ്ഞി കുടിക്കാതെയും സമരം പ്രഖ്യാപിച്ചു .ഫലമുണ്ടായി .പിറ്റേന്ന് മുതല് എല്ലാവര്ക്കും നെയ്യ് കിട്ടുക പതിവായി .ഇവിടം മുതല് ഞാന് അധികൃതര്ക്ക് ഒരു നോട്ടപ്പുള്ളിയും വിദ്യാര്ഥികള്ക്ക് ഒരു കുട്ടി നേതാവും ആയി മാറി. ആത്മാര്ഥതയോടെ ഉള്ള ഒരു സമരം ആയിരുന്നു അത് .

ORMAKAL ...DIARY OF NAMBISSAN....2

2010-03-26T14:38:00.000-07:00

ORMAKAL...2
പുറപ്പാടാണ് ഇനി പഠിക്കാനുള്ളത് .കൂടെ മേളപ്പദവും.അതും കുറെ മാസങ്ങളോളം നീണ്ടു നിന്നു.ഞങ്ങള് ഓരോരുത്തരും അവശരായി തുടങ്ങി .പുതിയ ചുറ്റുപാടും അനുഭവങ്ങളുമാണല്ലോ .ഉച്ച ഭക്ഷണം കഴിഞ്ഞാല് ഉടന് സാഹിത്യ ക്ലാസില് പോകണം .സാഹിത്യ ക്ലാസിലെത്തുന്ന ഞങ്ങളുടെ തലയിലപ്പോള് അടുത്ത കളാസിനെ കുറിചുള്ള കാര്യങ്ങള് ആയിരിക്കും .പഠിച്ചത് പാടിക്കും .തെറ്റിയാല് .... എട്ടു മുപ്പതിന് ഭക്ഷണം കഴിഞ്ഞു വന്നാല് പിറ്റെന്നതെതക്കുള്ള പാഠം പഠിച്ചു കഴിയുമ്പോള് മണി പത്തര.ഒരു ഉറക്കം കൊണ്ട് മൂന്നു മണിയാവും .അലാറം കേട്ട് ഉണര്ന്നില്ലെന്കില് ചൂരല് പ്രയോഗം .അത് ഇടയ്ക്കു തരപ്പെടാരുണ്ട് .അതിനാല് മൂന്ന് മണിക്ക് മുമ്പ് തന്നെ ഭയന്ന് ഉണര്ന്നു സാധക ക്ലാസിലെത്തും.സാധകത്തിനു നമ്പീശനാശനാണ് വരുന്നതെങ്കില് കൂടുതല് പേടിയാണ് .ഒറ്റയ്ക്ക് ഒറ്റയ്ക്ക് നാല് കാലത്തില് പാടിക്കും .സാധകം ചെയ്യുന്നതിന്റെ പാണി ആശാന് തന്നെ കാണിച്ചുതരും .അത് പോലെ വന്നു കൊള്ളണം .കുറുമ്പ് കാട്ടിയാല് പിന്നെ പറയണ്ട .ആരോടും പക്ഷാഭേദമില്ല.ആറുമണിയാവുമ്പോഴേക്കും ക്ഷീണിക്കും .പിന്നെ ഓടിച്ചെന്നു ഭാരതപ്പുഴയില് കുളി.എഴരക്ക് കഞ്ഞി കുടി .എട്ടു മുപ്പതിന് വീണ്ടും ക്ലാസ്

.അരങ്ങേÁw തീര്ച്ചയാക്കി. മാടമ്പി പൊന്നാനി,ഞാന് ശങ്കിടി. പുറപ്പാടും മേളപ്പദവും.കുറെ ദിവസങ്ങളോളം പ്രത്യേക റിഹേഴ്സല്. അരങ്ങേറ്റം കഴിഞ്ഞു.ഇനിയാണ് കഥകള് പഠിക്കുന്നത്. ആദ്യമായി കോട്ടയം തമ്പുരാന്റെ കിര്മീരവധം അക്ഷരം ഒരു വിധം പഠിച്ചിട്ടുണ്ട്. പതഞ്ഞ താളത്തിലും കാലത്തിലും പഠിച്ചു തുടങ്ങി.പാട്ടിന്റെ ശ്രുതിയുടെയും താളത്തിന്റെയും ഇടയില് മുഴച്ചു നില്ക്കുന്ന അടിയുടെ ശബ്ദം -അത് താളത്തില് ആയിരിക്കില്ല. തല്ലു വാങ്ങാതിരിക്കാന് മത്സരിച്ചായിരുന്നു കഥകള് പഠിച്ചിരുന്നത് .പഠന കാര്യങ്ങളില് മാത്രമായിരുന്നു മത്സരം.മറ്റു കാര്യങ്ങളില് ആത്മ ബന്ധതോടെയാണ് കഴിഞ്ഞിരുന്നത് .സംശയങ്ങള് അന്യോന്യം ചോദിച്ചു മനസ്സിലാക്കിയിരുന്നു. ആയതില് ഞങ്ങള്ക്ക് ഇന്നും ക്രിതാര്ധത ഉണ്ട് .ഞങ്ങളുടെ കൂട്ടായ പരിശ്രമം കൊണ്ട് എട്ടു വര്ഷത്തെ കോഴ്സ് പൂര്തിയാക്കി.ഫസ്റ്റ് ക്ളാസോടെ ജയിക്കുവാന് കഴിഞ്ഞു. ആ സര്ടിഫികട്ടിനു വിലയുണ്ടോ ഇല്ലയോ എന്നസംശയം മാത്രം ബാക്കി.
കോട്ടയം കഥകള് നാലും ,തമ്പിയുടെ കഥകളും ചൊല്ലിയാട്ടം പതിവുള്ള മറ്റു കഥകളും ഞങ്ങള് പഠിച്ചു. കിര്മ്മീര വധം ,കാലകേയ വധം എന്നിവ നമ്പീശന് ആശാനും ബകവധം കല്യാണ സൌഗന്ധികം എന്നിവ ശിവരാമന് നായര് ആശാനും നടപ്പില്ലാത്ത ഭാഗങ്ങള് അടക്കമുള്ള തോരണ യുദ്ധം ,ബാലിവിജയം എന്നിവ മാധവപ്പണിക്കര് ആശാനുംമായിരുന്നു പഠിപ്പിച്ചിരുന്നത് .
അന്ന് ഈ ഭാഗങ്ങളില് നമ്പീശന് ആശാന് ,നെടുങ്ങാടി എന്നിവര് അരങ്ങു നിറഞ്ഞിരുന്ന കാലം ആയിരുന്നു .ഞങ്ങളെ കളിക്ക് കൊണ്ട് പോവുക പതിവാക്കി.പാടാന് അല്ല .സന്ധ്യകേളിക്കു താളം പിടിക്കണം .ഹാര്മോണിയം മീട്ടണം .ആശാന്മാര്ക്ക് ചുക് വെള്ളം ചായ ,മുറുക്കാന്, സോഡാ എന്നിവ ആവശ്യസമയങ്ങളില് എത്തിക്കണം .പാടിപ്പിച്ച കഥകള് ആണെങ്കില് ശ്ലോകം ചൊല്ലുന്ന സമയത്ത് പൊന്നാനി ശങ്കിടി രണ്ട് വരി കഴിഞ്ഞാല് മൂന്നാം വരി ഹാര്മോണിയം മീടുന്ന പാട്ട് വിദ്യര്ഥിക്ക് ആണ് .മൂന്നാം വരിയും ഉരുവിട്ട് ഊഴം കാത്തു നില്കും .അറിയാതെ വന്നാല് അവിടെ വെച്ച് ചേങ്കില കോല് കൊണ്ടുള്ള ഒന്നോ രണ്ടോ തീര്ച്ച .അതും പേടിച്ചാണ് നില്പ്. അഥവാ തോന്നിയാല് പോലും പഠിപ്പിച്ച രീതിയില് പാടാന് പറ്റിയെന്നു വരില്ല .കാരണം പരിഭ്രമം തന്നെ.ഒച്ചയും വരില്ല.പ്രത്യേകിച്ച് ആശാന്റെ ശബ്ദമെവിടെ ,ഞങ്ങളുടെ ശബ്ദമെവിടെ! കൈ കുഴഞ്ഞും കാല് കുഴഞ്ഞും നേരം വെളുക്കും. ഇങ്ങനെ കളികള് തുടര്ന്നു. പിന്നെ ,ഞങ്ങള്ക്ക് സീനിയര്മാരോടൊപ്പം മൂന്നാം പാട്ടുകാരയോ , രണ്ടാം പാട്ടുകാരയോ പോകാന് സാധിച്ചു തുടങ്ങി.അതിനു സന്ദര്ഭം കിട്ടാനായി അറിയാത്ത കഥകള് വാശിയില് ഒരു രാത്റി കൊണ്ട് ഒക്കെ മന; പാഠമാക്കി,സിനിയര്മാരുടെ കൂടെ കളിക്ക് പോയി തുടങ്ങി. പാട്ടുകാരന് ആയിട്ടല്ല.പാടിയത് ഏറ്റു പാടാന് കുറേശെ കഴിയും എന്നേ ഉള്ളു.
കളിക്കാലം ആകുന്നതിനു മുമ്പ് രാത്രിയില് ചൊല്ലിയാട്ടം ഉണ്ട് .വേഷക്കാര് വേഷം കെട്ടാതെ തലയില് ഒരു ശീലയും നെറ്റി നാടയും കാലില് കച്ചമണിയുംകെട്ടി ചൊല്ലിയാടും അലരേണ്ടുന്നകത്തി വേഷങ്ങളുടെ സമയങ്ങളില് അലറാന് ആശാന്മാര് ശീലിപ്പിക്കും.സ്റ്റേജില് എന്ന പോലെ ഇലത്താളവും ചെങ്ങിലയും ഉപയോഗിച്ച താളം പിടിച്ച പാടും .പാട്ടുകാരാശന്മാരും മേളക്കാര് ആശാന്മാരും നേതൃത്വം നല്കും .വേഷക്കാരന് ആശാന് ചൊല്ലിയാടിക്കും.ഒരു കഥ കഴിയുന്ന സമയം വരെ ആയിരുന്നു ഇത്.ഈ സമയംങളില് തെറ്റ് തിരുത്തല് കൂടുതല് കര്ശനം ആവും .ഇന്നും അതെല്ലാം മനസ്സില് തെളിഞ്ഞു വരുന്നു .
ഇതിനിടയില് അരങ്ങത്ത് കൂടുതല് സന്ദര്ഭങ്ങള് കിട്ടാന് തുടങ്ങി .പുതിയ തലമുരക്കാര്ക്ക് പരിചയ സിദ്ധിക്കായി മൈനര് സെറ്റ് എന്നപേരില് ട്രൂപ്പ് ഉണ്ടായിരുന്നു .വളരെ അച്ചടക്കത്തോടെ ആയിരുന്നു അത് നടത്തിയിരുന്നത് .ഇന്നത്തെ പ്രസിദ്ധരായ പലരും ആ ട്രൂപ്പിലെ ആദ്യവസനക്കാരായിരുന്നു .ഞങ്ങള്ക്ക് ധാരാളം അവസരങ്ങള് ഉണ്ടായിരുന്നു .അദ്ധ്വാനത്തിന്റെ ഫലമായി പുറം പരിപാടികള്ക്കും അവസരം കിട്ടിത്തുടങ്ങി .ആശാന്മാരുടെ ആശിര്വാദതൊടെ പരിപാടികള്ക്ക് പോയി തുടങ്ങി .
വെക്കേഷന് അടുത്താല് വടക്കെ മലബാറില് നിന്ന് -പരസ്സിനിക്കടവ് കളി യോഗത്തില് നിന്ന് പാടുകാരെ ആവശ്യപ്പെട്ടു ഗുരുനാഥനെ സമീപിക്കും .എന്നെയും ഒരു സഹായിയെയും കൊണ്ട് പോകാറുണ്ട് .എല്ലാ വര്ഷവും ഇത് പതിവായിരുന്നു .അവിടെ സ്റ്റേജ് പരിചയം കൂടുതല് കിട്ടും എന്നതിനാലാണ് ഞങ്ങളെ ഗുരുനാഥന് പറഞ്ഞയച്ചിരുന്നത് .ഇന്ന് പ്രസിദ്ധി ഉള്ളവരാണ് അന്ന് എന്റെ കൂടെ പാടിയിരുന്നത് .ഞങ്ങളുടെ പാട്ട് കേള്ക്കണമെന്ന താല്പര്യത്തില് അതിനനുസരിച്ച കഥകള് ഏതെങ്കിലും നിശ്ചയിക്കാരുന്ട്.അവിടത്തെ സ്ഥിരം പാട്ട്ടുകാര് ഞങ്ങളുടെ സാന്നിദ്ധ്യം ഇഷ്ടപ്പെട്ടിരുന്നില്ല .എങ്കിലും ഞങ്ങള് വളരെ അചടക്കതൊടെആണ് ട്രൂപ്പില് പെരുമാറിയിരുന്നത് .ഞങ്ങളെ ഒഴിവാക്കാന് ഞങ്ങള്ക്ക് സ്വാധീനം ഇല്ലാത്ത കഥകള് നിശ്ചയിപ്പിക്കും .എന്നാലും പുറപ്പാടും മേള പദവുംപാടാനുള്ള അവസരം ട്രൂപ്പ് മാനജര്മാര്ഉണ്ടാക്കി തരും

വടക്കെ മലബാറില് പത്തും ഇരുപതും നാഴിക നടന്നാണ് ഓരോ കളിസ്ഥലത്തും എത്തുക .പഴയ സംപ്രദായംഅനുസരിച്ച് ഉച്ചക്ക് എത്തുമ്പോള് കഞ്ഞിയും പുഴുക്കും പകല് ഊണും വിസ്തരിച്ചു വാക തേച്ചു കുളിയും പുലരും വരെ കളിയും വീണ്ടും യാത്രയും അനുഭവിച്ച് അറിഞ്ഞിട്ടുണ്ട് .മേടമാസതോടെ കളിയോഗത്തിന്റെ പെട്ടി വച്ച് കളി കഴിഞ്ഞാല് ഞങ്ങളെ മടക്കി അയക്കും .വീണ്ടും കലാമാണ്ടാലത്തില്. .അങ്ങനെ എട്ടു വര്ഷത്തെ പഠനം പൂര്ത്തിയാക്കി .

ORMAKAL 6

2009-10-28T09:58:00.000-07:00

തിരൂര്‍ നമ്പീശന്‍ ,കലാമണ്ഡലം കൃഷ്ണന്‍ കുട്ടി നമ്പീശന്‍(ഗായകന്‍ )മഞ്ചേരി ശങ്കരനാരായണന്‍ (വേഷം)

2009-10-28T09:39:00.000-07:00

ആത്മ മിത്രങ്ങള്‍ :മാടമ്പി സുബ്രഹ്മണ്യന്‍ നമ്പൂതിരി & തിരൂര്‍ നമ്പീശന്‍

ORMAKAL...

2009-10-28T09:08:00.000-07:00

നമ്പീശനാശാന്‍ -കലാമണ്ഡലം നീലകണ്ടന്‍ നമ്പീശന്‍
(Nambeeshanashan) kalamandalam neelakandhan Nambissan)

കഥകളി സംഗീതത്തിന്റെ സ്വാധീനം -നമ്പീശന് ആശാന് :-
കഥകളി സംഗീതത്തിന്റെ ഭദ്രതയെ നില നിര്ത്താന് ആത്മാര്ഥമായി ത്യാഗങ്ങള് സഹിച്ചു പ്രവര്ത്തിച്ചിരുന്ന ആചാര്യന്മാരില് എന്ത് കൊണ്ടും മുന്നില് ആയിരുന്നു കലാമണ്ഡലം നീല കണ്ടന് നമ്പീശന് .(നമ്പീശന് ആശാന്)അദ്ദേഹത്തിന്റെ ശിഷ്യന്മാരായ പാട്ടുകാരാണ് കഥകളി രംഗത്ത് പ്രവര്ത്തിച്ചു വരുന്നത് .എന്നാല് കഥകളി സംഗീതത്തിനു വേണ്ടി അദ്ദേഹം ഒന്നും ചെയ്തിട്ടില്ലെന്നാണ് ചിലരുടെ അഭിപ്രായം .ഒരു കാര്യം ശരിയാണ് ,.കഥകളി സംഗീതത്തിന്റെ അന്തസ്സത്തയെ ബഹുമാനിച്ച് അദ്ദേഹം അതിനെ വികൃത മാക്കിയിലാ എന്നത് സത്യമാണ് .അതില് അടിയുറച്ച വിശ്വാസത്തോടെ ശക്തരായ കുറെ ശിഷ്യന്മാരെ സൃഷ്ടിക്കുകയാണ് അദ്ദേഹം ചെയ്തത് .കൈ നനയാതെ മീന് പിടിക്കുന്നവരെ സംബന്ധിച്ച് അദ്ദേഹം വെറുമൊരു പാട്ടുകാരന് മാത്രം ആയിരിക്കാം .ഞാന് നമ്പീശന് ആശാന്റെ കൂടെ കഴിയുന്നത്ര സന്ദര്ഭങ്ങളില്കഥകളി രംഗങ്ങളില് ഉണ്ടായിരുന്നു .

തിരൂര്‍ നമ്പീശന്‍ .... ജീവചരിത്രം

2009-10-10T05:59:00.000-07:00

മലപ്പുറം ജില്ലയിലെ തിരൂര്‍ താലൂക്കില്‍ തൃക്കണ്ടിയൂര്‍ അംശം മുത്തൂര്‍ ദേശത്ത്‌ പുളിയില്‍ കേശവന്‍ നമ്പീശന്റെ അനുജന്‍ പുളിയില്‍ ദാമോദരന്‍ നമ്പീശന്റെയും നങ്ങേലി ബ്രാഹ്മണി അമ്മയുടെയും മകനായി 1116 ചിങ്ങം 10 നു ചിത്ര നക്ഷത്രത്തില്‍ ജനനം .നാരായണന്‍ നമ്പീശന്‍ എന്നാണ് പേര്.തിരൂര്‍ നമ്പീശന്‍ എന്ന പേരില്‍ അറിയപ്പെടുന്നത് കഥകളിയോട്‌ ബന്ധപ്പെട്ടപ്പോഴാണ് .

പാരമ്പര്യമായി കലാ അഭിരുചിയുള്ള തറവാട്. പിതാവ് ദാമോദരന്‍ നമ്പീശന്‍ നാടകം ,സംഗീതം തുടങ്ങിയവയില്‍ വളരെ തല്പരനായിരുന്നു .അമ്മാമന്‍ ശങ്കരപുരത്ത് ശങ്കുണ്ണി നമ്പീശന്‍ സംഗീതജ്ഞന്‍ ആയിരുന്നു .

പിതാവ് ദാമോദരന്‍ നമ്പീശന്‍ അദ്ദേഹത്തിന്റെസുഹൃത്ത്‌ ആയിരുന്ന എന്‍ .കെ വാസുദേവ പണിക്കരില്‍ നിന്നും സംഗീതാഭ്യസനം നടത്തിയിരുന്ന കാലം .തിരൂര്‍ നമ്പീശനും മൂത്ത സഹോദരി ഉമാദേവിയും പിതാവിന്റെ കൂടെ വാസുദേവ പണിക്കരില്‍ നിന്നും സപ്ത സ്വരങ്ങളും ഗീതങ്ങളും വര്‍ണങ്ങളും അഭ്യസിച്ചു .അങ്ങനെ എട്ടാംവയസ്സില്‍ സംഗീത ലോകത്തേക്ക് പ്രവേശിച്ചെങ്കിലും അമ്മയുടെ ദുര്‍മരണത്തെ തുടര്‍ന്നുള്ള മാനസിക ആഘാതം സംഗീത അഭ്യസനത്തിനുപ്രതിബന്ധമായി .

തിരൂര്‍ ബോയ്സ് ഹൈസ്കൂളിലായിരുന്നു വിദ്യാഭ്യാസം .അമ്മയുടെ മരണം ,ഏറെ താമസിയാതെ പിതാവിന്റെ മരണം ,അനുജന്മാരുടെ മരണം ഇവയെല്ലാം ആ ബാലമനസ്സിനെ വല്ലാതെ ഉലച്ചു .എങ്കിലും പഠന കാലത്ത്‌ വിദ്യാലയത്തില്‍ പഠനത്തോടൊപ്പം തന്നെ കലാ പ്രവര്‍ത്തനങ്ങളിലും മുന്‍നിരയില്‍ തന്നെ ആയിരുന്നു . കുട്ടിയുടെ സംഗീത വാസന ആദ്യമേ തന്നെ മനസ്സിലാക്കിയ ആദ്യ ഗുരുനാഥന്‍ വാസുദേവ പണിക്കര്‍ തന്നെ ആണ് നമ്പീശനെ കഥകളി സംഗീത രംഗത്തേക്ക് തിരിച്ച് വിട്ടത്‌ .അങ്ങനെ തേര്‍ഡ്ഫോംവിദ്യാര്ത്ഥി ആയിരിക്കുമ്പോള്‍ തറവാട്ടുകാരുടെ എതിര്‍പ്പിനിടയിലും നമ്പീശന്‍ കലാമണ്ഡലത്തില്‍ ചേര്‍ന്നു.കുലത്തൊഴില്‍ ആയിരുന്ന കഴകം ഉപേക്ഷിച്ച് സംഗീത ലോകത്തേക്കുള്ള യാത്രയായിരുന്നു അത് .
1957 ആഗസ്റ്റ്‌ പതിനാലാം തിയ്യതി നമ്പീശന്‍ മാടമ്പിക്ക് ഒപ്പം കേരള കലാമണ്ഡലത്തില്‍ സംഗീത വിദ്യാര്ത്ഥി ആയി ചേര്‍ന്നു.ഹൈദരാലി,ശങ്കരന്‍ എംബ്രാന്തിരി ,എന്നിവരും ആ വര്‍ഷം തന്നെ ആണ് ചേര്‍ന്നത്‌. അന്ന് കഥകളി സംഗീതത്തിലെ ഗുരു നാഥന്‍മാര്‍ സര്‍വശ്രീ കലാമണ്ഡലം നീലകണ്ടന്‍നമ്പീശന്‍ ,ശിവരാമന്‍ നായര്‍,കാവുങ്ങല്‍ മാധവ പണിക്കര്‍ ,എന്നിവര്‍ ആയിരുന്നു .പ്രഗല്‍ഭരായ ഗുരുനാഥന്‍മാരുടെ കീഴില്‍ എട്ടു വര്ഷത്തെ കഠിനവും അടിസ്ഥാന പരവുമായ ശിക്ഷണത്തില്‍ ഒന്നാം ക്ലാസ്സോടെ പാസായി .1965.ഇക്കാലത്താണ് നാരായണന്‍ നമ്പീശന്‍ ,തിരൂര്‍ നമ്പീശനയത് .
ദുരന്തങ്ങള്‍ കൂടപ്പിറപ്പായിരുന്നു എന്നുതന്നെ പറയാം .കലാമണ്ഡലത്തില്‍ പഠിച്ചു കൊണ്ടിരുന്ന കാലത്തു നമ്പീശന്റെ ഇളയ സഹോദരി ആയിരുന്ന ശ്രീദേവിയും ദുര്‍മരണത്തിന് ഇരയായി .നിരന്തരമായ ആഘാതങ്ങള്‍ക്ക് മീതെ ഇതു കൂടി ആയപ്പോള്‍ മാനസികമായി ആകെ തളര്‍ന്നു. ഇതോടൊപ്പം കലാരംഗത്ത് അനുഭവിക്കേണ്ടി വന്ന തൊഴുത്തില്‍ കുത്ത് .എല്ലാം അതിജീവിച്ച് പിടിച്ചു നില്‍കാന്‍ മദ്യവുമായി ബന്ധപ്പെട്ടു.അങ്ങനെ ഒരു ദുര്‍ബല നിമിഷത്തില്‍ പിടിച്ചു നില്‍കാന്‍ വേണ്ടി രഹസ്യമായി തുടങ്ങിയദുശ്ശീലവും മുതലെടുക്കാന്‍ ആളുണ്ടായി. കലാമണ്ഡലത്തിലെ പഠനം പൂര്‍ത്തിയാക്കി ഏറെത്താമസിയാതെ വിവാഹിതന്‍ ആയി .൧൯൬൫ സൌദാമിനി ബ്രാഹ്മണി അമ്മ ആണ് ഭാര്യ .
കോഴ്സ് കഴിഞ്ഞു പുറത്തിറങ്ങിയ സഹപാഠികളില്‍ പലരും പല തട്ടുകളില്‍ ചെന്നു പറ്റി .നമ്പീശന്‍ ഒഴുക്കില്‍ ഏകനായിരുന്നു .പിന്നീട് ജീവിതത്തെയും കലയെയും ഒരുമിച്ച് കൊണ്ടു പോകാനുള്ള വ്യഗ്രതക്കിടയില്‍ ബോംബെ ,ഡല്‍ഹി ഇന്റര്‍നാഷനല്‍ കഥകളി സെന്റെര്‍ ,പേരൂര്‍ ഗാന്ധി സേവാ സദനം ,ഉണ്ണായി വാരിയര്‍ സ്മാരക കലാനിലയം ഇരിങ്ങാലക്കുടകേരള കലാമണ്ഡലം ,തുടങ്ങിയ സ്ഥാപനങ്ങളില്‍ ജോലി ചെയ്തു.
കലാമണ്ഡലം നീലകണ്ടന്‍ നമ്പീശന്റെ ശിഷ്യന്‍ എന്ന നിലക്ക് അദ്ദേഹത്തോടോപ്പവും,അതിലധികം ഉണ്ണികൃഷ്ണ കുറുപ്പിന് ഒപ്പവും പ്രവര്ത്തിച്ചു. കുറുപ്പ് തിരൂര്‍ നമ്പീശന്‍ കൂട്ടുകെട്ട് കച്ചേരി/കളി അക്കാലത്തെ ജനഹൃദയങ്ങളെ അത്യധികം ആകര്‍ഷിച്ചിരുന്നു .ആ സംഗീതത്തിന്റെ അലകള്‍ ഇന്നും സഹൃദയ മനസ്സില്‍ നിലനില്ക്കുന്നു.ഓഡിയോ കാസെറ്റുകള്‍ ഇറക്കിയിട്ടില്ലെന്കിലും പല കഥകളി സ്നേഹികളുടെയും ഗാനശേഖരത്തില്‍ നിധി പോലെ ആ കച്ചേരി ഉണ്ട്. .നമ്പീശന്‍ അടിസ്ഥാന കഥകളി സംഗീതത്തില്‍ അടിയുറച്ചു വിശ്വസിച്ചു .അതില്‍ അല്പം പോലും മായം കലരുന്നത് തീരെ സഹിച്ചിരുന്നില്ല .
1978 മുതല്‍ പാലക്കാട് ജില്ലയില്‍ ശ്രീകൃഷ്ണപുരത്ത് ഭാര്യയും മൂന്നു മക്കളും അടങ്ങുന്ന കുടുംബ സമേതംതാമസം ആക്കിയിരുന്നു .കഥകളി സീസണില്‍ മറ്റു പുറം കളികള്‍ക്ക് പന്കെടുക്കുന്നതിനോപ്പം പറശ്ശിനി കളിയോഗത്തിന്റെ കളികള്‍ക്കും നമ്പീശന്‍ അവസാനം വരെയും പങ്കെട്ത്തിരുന്നു.പെരിങ്ങോട് കഥകളി പ്രൊമോഷന്‍ സൊസൈടിയുടെ കീഴില്‍ പ്രവര്‍ത്തിച്ച കാലത്ത്‌ പൂമുള്ളി വാസുദേവന്‍‌ നമ്പൂതിരിപ്പാടിനെ പഠിപ്പിച്ചതും അത് വഴി സംഗീതജ്ഞന്‍ ആയിരുന്ന പൂമുള്ളി രാമന്‍ നമ്പൂതിരിപ്പാട്‌ ,അറിവിന്റെ തമ്പുരാന്‍ ആറാം തമ്പുരാന്‍ എന്നിവരുമായി ഉണ്ടായിരുന്ന ബന്ധം അദ്ധേഹത്തിന്റെ സംഗീത ജീവിതത്തിന്റെ മുതല്‍ക്കൂട്ടായി അദ്ദേഹംകരുതി .
എന്നും ഇടതു പക്ഷ അനുഭാവി ആയിരുന്ന അദ്ദേഹം പുരോഗമനപരമായ കാഴ്ചപ്പാട്‌ പുലര്‍ത്തിയിരുന്നു.പുരോഗമന കല സാഹിത്യ സംഘം പ്രവര്‍ത്തനങ്ങളോട് സഹകരിച്ചിരുന്ന അദ്ദേഹം പക്ഷെ കലാകാരന്‍ എന്ന നിലയില്‍ സ്വതന്ത്രനായി നില്ക്കാന്‍ ഇഷ്ടപ്പെട്ടു . ശ്രീ ഇയ്യന്കോട് ശ്രീധരന്‍ രചിച്ചമാനവ വിജയം കഥകളിയില്‍ നമ്പീശന്‍ പ്രധാന ഗായകന്‍ ആയിരുന്നു.ശ്രീ കുന്ച്ചുവേട്ടന്റെ നേതൃത്വത്തിലുണ്ടായിരുന്ന യുവജന കഥകളി സംഘത്തിലും നമ്പീശന്‍ പൊന്നാനി എന്ന നിലയില്‍ പ്രധാന പങ്കു വഹിച്ചിട്ടുണ്ട്‌
സംഗീതജ്ഞന് പുറമെ നല്ല ഒരു വായനക്കാരന്‍ കൂടി നമ്പീശനില്‍ ഉണ്ടായിരുന്നു.പുസ്തകങ്ങള്‍ ഇല്ലാതെ ഒരു ദിവസം പോലുംകഴിയാന്‍ അദ്ദേഹത്തിന് കഴിഞ്ഞിരുന്നില്ല.കൃഷിസ്നേഹം,പൂചെടിപ്രേമം ,മൃഗസ്നേഹം,ദേഷ്യം,നേരെ വാ നേരെ പോ ഭാവം,തുടങ്ങിയ നമ്പീശന്റെ വിവിധ മുഖങ്ങള്‍ അദ്ദേഹത്തിന്റെ അടുത്ത വൃന്ദത്തിന് മാത്രംസ്വന്തമാണ്.
എക്കാലത്തേയും പോലെ വിധി അദ്ദേഹത്തോട് നീതി കാട്ടിയില്ല .ഒരു കലാജീവിതത്തിന്റെ ശോഭയാര്‍ന്ന പ്രകടനത്തിനുള്ള ഉചിതമായ സമയത്ത് ഒരു പക്ഷെ അതിന് തൊട്ടു മുന്‍പായി വിധി അദ്ദേഹത്തെ അണിയറയിലേക്ക് വിളിക്കുക ആയിരുന്നു .അമ്പതിനലാമത്തെ വയസ്സില്‍ 1994 അഗസ്റ്റ്‌ പത്തിന് അദ്ദേഹം കാല യവനികക്ക് ഉള്ളില്‍ പോയ് മറഞ്ഞു .എങ്കിലും ആ പുഞ്ചിരി,ആ സൌഹൃദം ,ആ ഗാന വശ്യത ,ആ തന്റേടം ,അരങ്ങു നിയന്ത്രണം ,എല്ലാം ഇന്നും കണ്മുന്നില്‍ തെളിഞ്ഞു നില്ക്കുന്നു .

ഓര്‍മ്മകള്‍ ..

2009-09-20T13:46:00.000-07:00

ഓര്‍മ്മകള്‍ ..... തിരൂര്‍ നമ്പീശന്റെ ഡയറിക്കുറിപ്പുകള്‍

എന്റെ സംഗീതഅഭ്യസനം

ഞങ്ങള്‍ നാലു പേര്‍ (മാടമ്പി ,ഹൈദരാലി ,എംബ്രാന്തിരി ,ഞാന്‍ )കലാ മണ്ഡല ത്തില്‍ കഥകളി സംഗീത വിദ്യാര്ത്ഥി കളായി ചേര്‍ന്നു .ചിലര്‍ ഗീതങ്ങളും ചിലര്‍ വന്ദന ശ്ലോകവും ചിലര്‍ സിനിമാഗാനവുമാണ് സെലെക്ഷന് പാടിയത്‌ .ഗുരുനാഥന്മാര്‍ കലാമണ്ഡലം നീലകണ്ഠന്‍ നമ്പീശന്‍ ആശാന്‍ , ശിവരാമന്‍ നായര്‍ആശാന്‍ , കാവുങ്ങല്‍ മാധവ പണിക്കര്‍ആശാന്‍ .മാടമ്പിയും ഞാനും ഒരേ ദിവസമാണ് (..ആയിരത്തിതൊള്ളായിരത്തി അമ്പത്തെഴ് ആഗസ്റ്റ്‌ പതിനാലു )ചേര്‍ന്നത് .

കാലത്ത്‌ മൂന്നു മണിക്ക്‌ എഴുന്നേല്കണം .ആറുമണി വരെ സാധകം .സപ്ത സ്വരം ,ഗീതം തോടയം എന്നിവയാണ് സാധകം ചെയ്യുക .എട്ട്മുപ്പതു മുതല്‍ പന്ത്രണ്ടു മുപ്പതു വരെ ഇരുന്നു പഠിക്കല്‍.മൂന്നു മുപ്പതു മുതല്‍ അഞ്ച് മുപ്പതു വരെ ഇരുന്നു ക്ലാസ്‌ .രാത്രി ഏഴ് പതിനഞ്ച് മുതല്‍ എട്ട് മുപ്പത്‌ വരെ അക്ഷരം തോന്നിക്കല്‍ .ഓരോ വിദ്യാര്‍ഥിയെയും ഒറ്റക്കൊറ്റക്ക്‌ പാടിച്ച് തെറ്റ് തിരുത്തിയിരുന്നു .മാസങ്ങളോളം ഈ വിധം ക്ലാസുകള്‍ കൊണ്ടാണ് തോടയവും വന്ദന ശ്ലോകവും അഭ്യസിച്ചത്‌ .തെറ്റുകള്‍ വന്നാല്‍ ചൂരല്‍ കൊണ്ടുള്ള ശിക്ഷ .ശിക്ഷയെ വിദ്യാര്‍ത്ഥികളും രക്ഷിതാക്കളും ചോദ്യം ചെയ്തിരുന്നില്ല .ക്ലാസ് കഴിഞ്ഞ സമയങ്ങളില്‍ രക്ഷിതാവിന്റെ സ്നേഹവും പെരുമാറ്റവുമാണ് അന്നത്തെ അദ്ധ്യാപകരില്‍ നിന്നും ഞങ്ങള്‍ക്ക്‌ കിട്ടിയിരുന്നത്

തിരൂര്‍ നമ്പീശന്‍ (ജൂണ്‍ 92)...എഴുതിയത്‌ .....bhaagam randil . തുടരും ..